Get all 14 Znous زنوس releases available on Bandcamp and save 30%.
Includes unlimited streaming via the free Bandcamp app, plus high-quality downloads of Rotzhey Yeladim (Children Killers), Znousland 1 (remaster), شعب الدّولة / Free Fall (w/ Terzy تارزي), Choufini Yamma شوفيني يمّا, Wajhelkhata وجه الخطأ, Facing what consumes you, Zitskhun زيت سخون, Znousland 3, and 6 more.
1. |
||||
English translation available on:
Znousland.net
صبحت عالفجاري
ثارت تنزف عالفلوس
راجلها كي البوهالي
عايش عالة كي الفيروس
جو باڨي البنات من تالي
ركبت في الكميون
و غطّت راص كلاه صهيدي
البرد و برشة هموم
تلمّو عالبرّاد و غنّو
باش تدفى ليدين
ڨبل مايجيهم مولى الباش
و كلبو عم حسين
و يبدى نهار صياح
طياح كتاف طياح قدر
نهار تموت فيه ألف أنثى
باش يعيش ذكر
الشمس في ڨلبو صارت
هم ڨالو جا وڨت فطور
غمّس بالخبز البايت
ياغرطة و التّاي يدور
جو أصحاب الشركة
هزّو الغلّة و حطّو شقف
الّي جاباته الأرض
و الي فوڨ الأرض
لكل تلهف
نبح الكلب وفات الرّاحة
تلمّو لبناويت
نبح و ما يرتاح
كان مايخرّج منهم زيت
طاحت شمس عشيّة
و رجعت بانت ليسوزي
الكلب تبركالله
يحسب في الغلة
و يصلّي عالنبي
لاااااا
دمّك في الكيّاس
دمّك طعمو مرّ
لعنة أرض و ناس
الدولة و البشر
دمّك دمّك دمّك
في أرقابنا.
|
||||
2. |
Swed Ellil سواد اللّيل
03:55
|
|||
English translation available on:
Znousland.net
أرواح
تعالى نڨلّك كلمة ولاّ ثنين
نا ڨلبي فاض في بلاد كلاها الرّاسيزم
أرواح
مش تا نحكم فيك بلونك لا منين جيت
الشعب البنّي غوريلا ماشي في بالو صيد
أرواح
تعالى نڨلّك نحكو شويّة عالتاريخ
نا ڨلبي فاض في بلاد عماها التحريف
أرواح
مشني تا نزيد و لا مش تا نخبّي عليك
هذايا الحق الما كتبوه المنتصرين
كنا عايشين في نفس التريب
جدودي لولين ما فكو متع حد بالسيف
جاو العربان و لوروبيين
وهزو الي ڨعدو منا حيين
شڨينا الصحرى مسلسلين
و لتوّة القهرة تجري فدمي بعد سنين
جابونا لنّا و سمونا عبيد
و جدي باعوه عالبسكولة كي البعير
أرواح
كان انت ناسي نا راني ما نسيت
ما نحشي راصي كي النعامة نحشم بيه
أرواح
كي تڨلي كحلة هاكا لوني عايش بيه
أما أنا نعرف مرضك أصلو و تحشي فيه
أرواح
شكون الي غرك ڨلك أصلك مالبايات؟
تونس هذية حكمو فيها زوز عايلات
و ڨبلها جوكم كيف ما جونا بسم الدين
رڨدّو و صبحتو لڨيتو رواحكم مسلمين؟
ما ضاهرليش… يا بو العرّيف
كفّك محلول و الجرية فريش
ما تحكيليش… ما تفسرليش
نسلخ ديربك كان مازلت تڨلي وصيف
منافقين… عنصريين
عايش في منفى عالهامش جيل ورى جيل
بيّوضيين فروخ بهاليل
و كلمة ماينيقا على لسانك
رابور ذليل
ليل يا سواد اللّيل
أنا وانت الزّوز كيف كيف
أحكي قول لي صار فيا و فيك
أحكي و ما تخبّيش
ليل و الحمل ثقيل
أنا و أنت و التّاريخ
أحكي قول لي صار فيا و فيك
أحكي و ما تخبّيش
|
||||
3. |
||||
English translation available on:
Znousland.net
ذري ڥامبير يترشق بالليل
في عالم موازي لواقع بذيئ
تذاكر سفر كعب و ليكيد
وكالة أسفار الفارماسي دو نوي
حربوشة تتذكّر حربوشة تتفسّخ
حربوشة تتصكك و الباقي خاطيك
في بلاد الاّزم فيها تحرق كبدة يا معدة
يا إما في فلوكة باللّيل
بلّي تعيط تبقى ساكت
تحلم و الحلمة الي تناكت
فمك مكمّم و بدنك مسمّم
و دولة لمجرّمة تسربي فيك
بلي تحكي تغني ترابي مش تا يحسو بيك
في حرب أخرتها تضرب روحك بالشيميك
بلّي خذيت شهايد بلّي عشتو بلّي قريت
النفس يولّي زايد وقت الحلمة ماتت فيك
بلّي تلقى الهربة في الموزيكة و في الفيراج
في دولة خذات شهايد في سياسة الاجهاض
تبقى فكرة وحدة كيف الجمرة تشعل فيك
الّي يحب يحرقني و نحرق، ناري أولى بيه
شقف و فتلة للمسؤول
هات شعول!
لمجلس نواب الماخور
هات شعول!
للغنّوشي و للعبّور
هات شعول!
فسّخ و عاود ماللّول
هات شعول!
شقف و فتلة للفسّاد
هات شعول!
للّي استكرز و الي زاد
هات شعول
أحرق وسايل لنتاج
هات شعول!
للمرتزقة و راس المال
نزيدك من همك ولا يزيك
تكمي في سمك و الكرزة كاميك
يشرب من دمك يسهر و يشيخ
يلحس في الكوكا و الحاكم يحميه
لحرابش تتڨرمش قدام الليساي
و كي تكمي النعمة تتعدى تحليل
في بلاد اللازم فيها تحرق كبدة يا معدة يا باقة يا مركز بوليس
بلي طايح ديما واقف
و بلي تحسب ديما ناقص
حقي نتكلم و مانيش مسلّم
و دولة لمجرمة تخرى فيه
شقف و فتلة للمسؤول
هات شعول!
لمجلس نواب الماخور
هات شعول!
للغنّوشي و للعبّور
هات شعول!
فسّخ و عاود ماللّول
هات شعول!
شقف و فتلة للفسّاد
هات شعول!
للّي استكرز و الي زاد
هات شعول
أحرق كونلهم طوفان
هات شعول!
الّي بعدو الحق يبان
|
||||
4. |
Esmi Mabrouk إسمي مبروك
04:47
|
|||
English translation available on:
Znousland.net
يتفكر كيف ما كان زمان ولد صغير
يحلم يكبر كي خواتو يعاون أمّاليه
يتفكر حر الشمس الحامي و برد الليل
وبلي باش ينسى مش تا ينسى صوت الذيب
يتفكر ڨالو المكتب غالي وزيد بعيد
زيد ڨالو عليه زوالي حافي في ساڨيه
يتفكر عدى حياتو سارح كيف الريح
و طارت السرحة كيف الارهابي يسأل فيه
“شنوّة أسمك؟ sample from the terrorist footage
إسمي مبروك...
يتفكر أول دمعة روات عطش العين
تصويرة أمي زعرة لمعت في عينيه
يتفكر ضو الشمعة الميّة في ابادين
بر بكلّو سلاطنيّة و مافيه سلاطين
يتفكر جاه العسكر ڨلو شفما جديد
تبع جرت الإرهابي فلوس أنا نعطيك
ماجاش لبالو جيش الدولة يخدم بيه
الدولة اللي تخدم بالارهابي اليذبح فيه
“شنوّة أسمك؟ sample from the terrorist footage
إسمي مبروك...
|
||||
5. |
Top Rojle توب رجلة
03:08
|
|||
English translation available on:
Znousland.net
آه يا رخيص السّوم
يا لاحس المقرون
يا توب رجلة
جاك الغول نهار ليوم
آه يا رباية خوف
زبلة ركايب بوك
يا توب رجلة
يا زرّيعة المخلوع
آه يا زعيم رهوط
يا جرذ يا مڨحوط
يا توب الرجلة
يعطك عصبة بيها تموت
آه يا رخيص أندانك
جرثومة نكت بلادك
يا راس بغلة
و البغلة بكمة و هي للاّتك
آه يا رخيص أندانك
جرثومة نكت بلادك
يا راس بغلة
تي البغلة أنثى و هي للاّتك
تي البغلة بكمة و هي للاّتك
تاجر مغوار
الدم يبيعو بدينار
محامي ضبع و مقعار
و الجيفة حلال
فصالة بوحديدة
و فحل تڨول كبش طريدة
راس مالو بشلة ڨديدة
و كمشة جهّال
هات
صفي حسابات
كلامي دغرات
و موزيكة عذاب ڨبر لحياة بالموت
هات
نيكو بجيلات
الصّيد العفاط
حجامة على سنّة الرسول
تاجر كرامة
بالكيلو كرارز الحمامة
عبيلو شيخ بلا عمامة
و العشق ارهاب
عقد و لبلابي
كان يحلم يطلع إرهابي
مالمكتب يكذب بالباهي
و طلع زباب
هات
صفي حسابات
كلامي شيكات
نخلص في الّي هربتو نهبتوه
هات
جيب الفسّاد
و هات الجبّاد
سيفون أيّا ساقيك لفوق
|
||||
6. |
||||
English translation available on:
Znousland.net
في زمان الحق عدو
في بلاد الريح باعوه
في العباد الحلمة تموت
ما بقى لاش تهيم الروح
يا سيدي الإنسان
لازم الحق يبان
ياو مهما طال زمان
لازم العين تشوف
مهما كلاها الخوف
جيناك منا فيك
تضوّي علينا طريق
جيناك مضامين
و أحنا الي ظالمين
يا سيدي الإنسان
|
||||
7. |
Kigulu كيقولو
02:46
|
|||
English translation available on:
Znousland.net
كيقولو خطاك من كالحاجة
أعرف راهي ليك
كي يقولو شد في كالحاجة
سيّب لا تشبع نيك
كيقولو كول من كالحاجة
صوم أبقى جيعان
كيقولو عليك واحد رجلة
أعرف راك طحّان
كييقولو على حاجة زبّورة
أعرف راهي شلال
كيقولو حرام يجيبو سورة
أعرف راهي حلال
كي يقولو أرّاح تعالى منّا
أرجع جيب من غاد
وكي يقولو هذا طريق الجنّة
أعرف راهو واد
قوللهم
لا لا لا
كيقولو فيك كلام الدّوني
أعرف راك خشين
و كان نعتك تمشي طوّالي
دور ديراكت يمين
كيقولو فلوس وسخ الدنيا
همّا لمّاسيخ
حاكم يعس على الغنيا
و حقك مشدود بالسيف
كيقولو اجريلي يا حمّة
لقيت جرّة في الهنشير
يسأل البلاد علاش تناكت
فوتا لسي نبيل
كي يقولو تونس كيف الحفرة
تلقى في ايده فاس
و كي يقولو منين جت الحكومة
قوللهم من هالنّاس
|
||||
8. |
||||
English translation available on:
Znousland.net
يا من يجيب الصّبر يجينا
رانا ماڨينا دواء
ڨعدنا ما بين كلاب الزّين
و النّهضاوين سواء
يمّا
يا من يجيب الغلّ يجينا
يٌجرف علينا السّيل
يهز إلّي يبيعو و يشرو فينا
و يذوڨو منّا الويل
يمّا
كانك مش تا تبوس الشّيخ
راك تع عبير
كانك مش بعبوص عبير
راك تع سي الشّيخ
كانك مش تا تحط “السّيف” ينيك نبيل
راو تا تجيك الزبّ عبير
تتشدّ بالسّيف
كانك مش تا تحطّو مليح
في سيدي الشّيخ
يجيك مليح متاع عبير
و تشبع نيك
كانك مش تا تولّي رٌجلة
كيف نبيل
كي العبّيثة عڨاب اللّيل
تجيك عبير
كانك مش تا تحكي “قال” راك مالرّيف
و كانك مش تا تمشي برأيي
راك بهيم
كان مشرجي روحك سلبي
negatif
شعب نمّي تڨولش باطري
يا لطيف
كانك مش تا تعبد ربّي
راك شيطان
كانك مش جمعيّة زبي
راك طحّان
و كانك مش تا تنوض تتوضّى
راك منزوس
و كانك مش تا تسمع مزود
هاو زنوس
|
||||
9. |
||||
English translation available on:
Znousland.net
ڨلنا برشة كلام
و الكلمة ماعاد تفيد
خرجنا ليل ظلام
و ضو نهار خريتو فيه
صوتي عالي يبان
ليومة و غدوة و للتاريخ
يسحق في السّيستام
الّي متخبي ورى البوليس
جينا منا فينا
لاجمعيّات و لا أحزاب
نكسّر في المكينة
الي قمعتنا بالارهاب
جيت ليوم و نعرف
انو غدوة موشي خير
مادام الحاكم فينا
سارق و القاضي رخيص
جيل صبع الوسط
حلف يقلّع مالعروق
الي ضيعلو حقّو و الي مقتوه
و باعوه
سيستام ياكل في شعبو
في السيڥيل و في السجون
كونصار يوجه ّفيك
كيفاش تقاوم الفيروس
يمكن أصلي ضاع و انتوما الي ضيّعتوه
أما نا عارف روحي وين ماشي نسرح بالرّوح
كانك انت راڨد نا نحارب
و عدوّي النوم
و الي ينسى الي ماتو
مات ڨبلهم دفنوه
الي باع و الي خان الخضراء
نيك الكل
الرئيس و الحاكم و الوزراء
نيك الكل
النظام و سيستام الحڨرة
نيك الكل
و الي قتلو شكري بالعيد بالغدرة
نيك الكل
سيدي الشيخ و كلابو اللحاسة
نيك الكل
و التجمع و كلاب الحراسة
نيك الكل
و اليسار الي نصو بصاصة
نيك الكل
و الطحانة الي نكرو في القناصة
نيك الكل…
|
Znous زنوس Al Rudayyif, Tunisia
Hardcore/punk/ metal band from Tunisia, North Africa.
The band tackles social and political subjects and is fueled by social and political injustices in post-revolutionary Tunisia.
Streaming and Download help
If you like Znous زنوس, you may also like:
Bandcamp Daily your guide to the world of Bandcamp